АҚШ Орталық қолбасшылығы (CENTCOM) Тегеранның Ормуз бұғазында шабуыл жасау мүмкіндіктерін одан әрі әлсірету мақсатында Иранға қарсы соққылардың жаңа сериясы басталғанын хабарлады, деп хабарлайды Tengrinews.kz.
CENTCOM тиісті мәлімдемені X әлеуметтік желісінде жариялады.
"Бүгін АҚШ-тың Шығыс жағалауы уақытымен сағат 17:00-де (Қазақстан уақытымен 02:00-де – ред. ескертпесі.) АҚШ Орталық қолбасшылығының күштері Ормуз бұғазы арқылы еркін өтетін азаматтық теңізшілер мен коммерциялық кемелерге шабуыл жасау мүмкіндігін тежеуді жалғастыру үшін Иранға жаңа соққылар жасай бастады", - делінген жарияланымда.
АҚШ президенті Дональд Трамп бұл соққыларды "Иран күштерін жауапқа тарту үшін" жасауға бұйрық бергені атап өтілді.
Бүгін сағат 17:00-де (ET) АҚШ Орталық қолбасшылығының күштері Ормуз бұғазы арқылы еркін өтетін азаматтық теңізшілер мен коммерциялық кемелерге шабуыл жасау мүмкіндігін әлсіретуді жалғастыру мақсатында Иранға қарсы кезекті соққыларды бастады. Бас қолбасшы Иранды жауапқа тарту үшін соққы беруге нұсқау берді...
— АҚШ Орталық қолбасшылығы (@CENTCOM) 12 шілде, 2026 жыл
Бұған дейін америкалық БАҚ дереккөздерге сілтеме жасап, жексенбіде АҚШ-тың Иран нысандарына соққы бергенін жазған болатын. Иранның мемлекеттік БАҚ-тары елдің оңтүстігіндегі Сирик, Бендер-Аббас және Джаск қалаларында, сондай-ақ Кешм аралында жарылыстар болғанын хабарлады.
Тағы оқыңыз: “Зардабы ауыр“. БҰҰ Бас хатшысы Иран мен АҚШ-қа үндеу жасады