1. Басты
  2. Біл
  3. Жаһан

АҚШ-та бастауыш мектепте атыс болды: қаза тапқандар бар

АҚШ-тың Калифорния штатында орналасқан Сан-Бернардино қаласында белгісіз біреу бастауыш мектепте оқ атты. Екі адам қаза тапты, - деп хабарлайды ABC News порталы полицияға сілтеме жасап. 

Жергілікті полиция басшысы Джарред Бергуанның айтуынша, атыс North Park мектебінде болған. Онда 5-12 жас аралығындағы балалар оқиды. Атыс салдарынан екі ересек адам қаза тапты. Екі оқушы ауруханаға жеткізілген, олардың жағдайы белгісіз. 

Бергуанидың ойынша, қылмыскер өзіне қол жұмсаған. "Қазіргі уақытта қауіп-қатер жоқ", - деп жазды ол Twitter желісіндегі парақшасында. Полиция оқиға орнында жұмыс істеп жатыр, оқушылар эвакуацияланған.