АҚШ-тың Монтана штатында TikTok әлеуметтік желісіне заңды түрде тыйым салынды, - деп хабарлайды Tengrinews.kz тілшісі заң жобасына сілтеме жасап.
Штат губернаторы Грег Джанфорте ТикТокқа тыйым салу туралы заңға қол қойды.
TikTok is just one app tied to foreign adversaries. Today I directed the state’s Chief Information Officer to ban any application that provides personal information or data to foreign adversaries from the state network. pic.twitter.com/92Im6D9Jgx
— Governor Greg Gianforte (@GovGianforte) May 17, 2023
Джанфорте Қытай Коммунистік партиясынан тұрғындардың жеке деректерін қорғау үшін штатта TikTok-қа тыйым салғанын айтты. Оның пікірінше, TikTok ұлттық қауіпсіздікке қауіп төндіреді.
Губернатор штаттағы деректерді "шетелдік қарсыластарға" жіберетін кез келген қосымшаны бұғаттау туралы бұйрық шығарғанын айтты.
Айта кетейік, Монтана аталған мобильді қосымшаға тыйым салған АҚШ-тың алғашқы штаты болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
