+7 (777) 001 44 99
Қазақша
Русский
English
Қазақша
Русский
English
Индонезияның әскери кемесі Ява теңізіндегі Airbus апатқа ұшыраған ауданнан ұшақтың құйрық бөлігін тапты, - деп хабарлайды РИА Новости dpa агенттігіне сілтеме жасап.
"Бізге қапталды шола алатын гидролокатордың көмегімен ұшақтың құйрық бөлігін табу мүмкін болды", - кеме капитаны Йаян Софьян.
Оның айтуынша, ұшақтың құйрық бөлігі 29 метр тереңдікте жатыр. Бұған дейін бұл ауданнан барлығы 22 адамның мәйіті табылған.
Мәйіттердің кімдікі екені біртіндеп анықталып жатыр.
Еске сала кетейік, AirAsia Indonesia компаниясының ұшағы 28 желтоқсан күні Сурабаядан Сингапурға ұшқан еді. Бір сағат өтпей жатып, пилот ауа райына байланысты бағытты өзгертуге рұқсат сұрайды. Оған бұлтты аймақты биікке көтерілмей-ақ айналып өтуге рұқсат беріледі, өйткені бұл аймақта биіктікте басқа да ұшақтар болды. Бұдан кейін AirAsia Indonesia лайнері радар экрандарынан жоғалып кетті, ол апат дабылын қағып үлгермеген. Бұл кезде ұшақ Индонезияның Танджунгпандан қаласынан 100 теңіз милі шамасында болған. Ұшақта 162 адам отырған.
