Ереванда елдің экс-президенті Серж Саргсянның Арменияның премьер-министрі болып сайланғанына қарсы наразалық шаралары жалғасып жатыр, - деп хабарлайды РИА Новости.
Басылымның мәліметінше, наразылық акциялары Ереванның түрлі аудандарында өтіп жатыр. Демонстранттар қаладағы жолдарды, сондай-ақ, қалааралық жолдарды жауып тастаған. Тәртіп сақшылары өз кезегінде осы шараға қатысып жатқандарды ұстаумен айналыса бастады. Ұсталғандардың саны 10-ға жеткен.
Еске сала кетейік, Арменияның бұрынғы президенті Серж Саргсянның жаңа қызметке тағайындалуына қатысты наразылық шаралары 13 сәуірден бері жалғасып жатыр. Митингке қатысушылар дүйсенбі күні парламенттің ғимаратына баса-көктеп кірмекші болған еді. Полициядағылар оларды ұстап, салдарынан 10-ға жуық адам зардап шеккен болатын.
Наразылық шараларына қарамастан Армения парламенті Серж Саргсянды премьер-министр қызметіне тағайындады.