Алмазбек Атамбаевтың жағдайы орташа ауыр. Бұл туралы Қырғызстан парламентінің депутаты Асель Кодуранова айтты, - деп хабарлайды РИА Новости.
Депутаттың сөзінше, Атамбаев аурухананың "қызыл аймағында" жатыр, яғни, ол жерге ешкімді кіргізбейді.
"Мен қазір аурухананың бас дәрігерімен сөйлестім. Ол Алмазбек Атамбаевтың жағдайы орташа ауыр екенін хабарлады", - дейді депутат.
Еске салайық, бұған дейін Қырғызстанның экс-президенті Алмазбек Атамбаевтан пневмония анықталып, ауруханаға жатқызылғаны хабарланды. 29 маусымда Атамбаев өзін нашар сезінген, осыған байланысты коронавирусты анықтауға тест тапсырған. Ол теріс нәтиже көрсеткен.
Алмазбек Атамбаев 11 жылға сотталды
Қазақстан жаңалықтары. Соңғы жаңалықтар. Telegram желісінде бізге жазыл!
