+7 (777) 001 44 99
ПОДЕЛИТЬСЯ
Лас-Вегаста "Грэмми" музыкалық сыйлығын табыстаудың 64-рәсімі өтті, - деп хабарлайды Tengrinews.kz тілшісі премия сайтына сілтеме жасап.
Лас-Вегаста "Грэмми" музыкалық сыйлығын табыстаудың 64-рәсімі өтті, - деп хабарлайды Tengrinews.kz тілшісі премия сайтына сілтеме жасап.
Марапаттау рәсімі MGM Grand Garden Aren аренасында өтті. Кеш жүргізушісі оңтүстікафрикалық комик және актер Тревор Ноа болды. "Грэмми" CBS Television Network арнасында онлайн және Paramount+ арнасына тікелей эфирде көрсетілді.
Премияның ең құрметті номинациясы "Үздік жыл әні" Leave The Door Open композициясы болды. Оны Бруно Марс пен Андерсон Паак, Silk Sonic дуэті орындайды.
Оливия Родриго "Үздік жаңа орындаушы" атанды. Бұл номинацияға үміткерлер қатарында Арудж Афтаб, Джимми Аллен, Baby Keem, Finneas, Glass Animals, Japanese Breakfast, The Kid Laroi, Arlo Parks және Saweetie де болды.
Посмотреть эту публикацию в Instagram
Оливия Родригоның Drivers License әні поп-музыка номинациясын иеленді, Леди Гага мен Тони Беннеттің Love for Sale әні "Үздік поп-альбом" атанды. "Үздік би жазбасы" номинациясында Alive Rüfüs Du Sol, ал "Үздік би альбомы" номинациясында Subconsciously Black Coffee үздік болды.
"Үздік рок-орындау" номинациясында жеңісті Foo Fighters тобының Making A Fire композициясы жеңіп алды. "Үздік метал-орындау" жүлдесін Dream Theater тобының The Alien композициясы алды.
"Үздік дәстүрлі R&B орындау" номинациясында Fight For You композициясы үшін H.E.R "Грэмми" сыйлығын алды. Канье Уэст пен Jay-Z (Jail) - "Үздік рэп-композиция", ал "Үздік рэп-альбом" номинациясын Tyler, the Creator (Call Me If You Get Lost) жеңіп алды.
"Визуал медиаға үздік саундтрек" номинациясын Jon Batiste, Trent Reznor & Atticus Ross - Soul, Carlos Rafael Rivera - The Queen’s Gambit ("Ход королевы") алды, ал Summer Of Soul - "Үздік музыкалық фильм".
Еске салайық, 64-салтанатты шара қаңтарда өтуі керек еді, бірақ пандемияға байланысты ұйымдастырушылар оны кейінге қалдыруды ұйғарған. Үміткерлер 2022 жылғы қарашаның аяғында жарияланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
