Халықаралық теңіз ұйымы 2026 жылғы 25 маусымда, бейсенбіде жүк кемесіне жасалған ықтимал шабуыл туралы хабарламадан кейін кемелер мен теңізшілерді Ормуз бұғазы арқылы алып өту бағдарламасын тоқтатты. Бұл АҚШ пен Иран арасындағы соғысты тоқтату туралы алдын ала келісімге қатысты қауіпті қайта күшейтті, деп хабарлайды Tengrinews.kz тілшісі Reuters агенттігіне сілтеме жасап.
Халықаралық теңіз ұйымы 2026 жылғы 25 маусымда, бейсенбіде жүк кемесіне жасалған ықтимал шабуыл туралы хабарламадан кейін кемелер мен теңізшілерді Ормуз бұғазы арқылы алып өту бағдарламасын тоқтатты. Бұл АҚШ пен Иран арасындағы соғысты тоқтату туралы алдын ала келісімге қатысты қауіпті қайта күшейтті, деп хабарлайды Tengrinews.kz тілшісі Reuters агенттігіне сілтеме жасап.
Төрт дереккөз кеменің Сингапур туы ілінген Ever Lovely екенін анықтады. Қауіпсіздік қызметіндегі дереккөз оған ұшқышсыз ұшу аппаратымен шабуыл жасалуы мүмкін екенін мәлімдеді.
Британдық әскери-теңіз агенттігі (UKMTO) ақпан айының соңында соғыс басталғалы бері сонда бірнеше ай бойы тұрып қалған жүздеген кеме мен мыңдаған теңізшіні бұғаздан шығаруға көмектескен болатын.
Агенттіктің бас хатшысы Арсенио Домингестің мәлімдемесінде: "Эвакуациялау тізімімізге енген кемелер мен аймақтағы барлық кеме үшін қажетті қауіпсіздік кепілдіктерінің әлі де күшінде екенін растау мақсатында шараларды жүзеге асыруды уақытша тоқтату туралы шешім қабылданды", - делінген.
UKMTO-ның хабарлауынша, ықтимал шабуылға ұшыраған кеме оның эвакуациялау бағдарламасына кірмеген.
Сейсенбіде басталған бұл бастама кемелер мен олардың экипаждары үшін Парсы шығанағынан екі бағыт бойынша - бірі Иран сулары, екіншісі АҚШ-тың бақылауындағы Оман сулары арқылы шығуға мүмкіндік беретін ерікті таңдау болды.
Шабуыл туралы хабарлардан кейін эталондық мұнай бағасы 1,9 пайызға өсті.
Басылымның хабарлауынша, жүк кемесімен болған оқиға Иранның Ормуз бұғазына болашақтағы бақылау деңгейіне қайтадан назар аудартуы мүмкін. Қақтығысқа дейін осы бұғаз арқылы әлемдік күнделікті мұнай мен сұйытылған табиғи газ жеткізілімінің бестен бір бөлігі өтетін.
Оқиға алдында АҚШ мемлекеттік хатшысы Марко Рубио Парсы шығанағы елдерін уақытша келісімнің күшіне сендіру мақсатындағы сапарын аяқтай отырып, журналистерге егер Иран бұғаздағы кемелерге қауіп төндірсе немесе оларды бөгесе, "онда бізде қиындықтар туындайды" деп мәлімдеген.
Иранның Ислам революциясы сақшылар корпусы бейсенбіде бұғаз арқылы қауіпсіз өту тек Иран көрсеткен бағыттар бойынша ғана мүмкін болатынын айтып, бұл талапты сақтамаған кемелерге қарсы шаралар қолданылатынын ескертті.
