Чили жағалауында жойқын жер сілкінісі орын алды

02 Сәуір 2014, 09:36
0
Сілкініс ошағы картасы emsc-csem.org алынды
Сілкініс ошағы картасы emsc-csem.org алынды

Чили жағалауларында қуаты 8 балға тең жойқын жер сілкінісі орын алды. Чили мен Перу билігі тұрғындарды қауіпсіз жерлерге көшірілетінін хабарлады, - деп хабарлайды Tengrinews.kz Еуропа-Жерорта теңіз сейсмологиялық орталыққа сілтеме жасап.

Жер асты дүмпуі сәуірдің 1-і күні жергілікті уақытпен кешкі сағат 19:46 тіркелген (Астана уақытымен сәуірдің 2-і таңғы сағат 05:46). Сілкініс ошағы 33 шақырым тереңдікте, 220 тұрғыны бар Икике қаласынан солтүстік-батысқа қарай 93 шақырым қашықтықта орналасқан. Жойқын сілкіністің соңынан магнитудасы 5,0-5,5 балға пара-пар бірнеше сілкініс болған. 

РИА Новостидің мәліметі бойынша, Оңтүстік Американың тынық мұхит жағалауларында цунамидің болу қауіпі бары жарияланған. Кісі шығыны туралы мәлімет жоқ. 

Еске саламыз, Чилиде 2010 жылы ақпан айында қуаты 8,8 балға дейін жететін жер сілкінісі орын алған болатын. Табиғи апат ол кезде 500-ден астам адамның өмірін жалмаған еді.


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай