1. Басты
  2. Біл
  3. Жаңалықтар
  4. Жаһан

ДДСҰ өкілі пандемия қашан аяқталуы мүмкін екенін айтты 22 ақпан 2021, 23:38

Коронавирус инфекциясы пандемиясы 2022 жылдың басында аяқталуы мүмкін. Бұл туралы DR дат телеарнасына Дүниежүзілік денсаулық сақтау ұйымының
© Reuters © Reuters

Коронавирус инфекциясы пандемиясы 2022 жылдың басында аяқталуы мүмкін. Бұл туралы DR дат телеарнасына Дүниежүзілік денсаулық сақтау ұйымының Еуропалық өңірлік бюросы басшысы Ханс Клюге айтты, - деп хабарлайды Tengrinews.kz тілшісі "Анадолуға" сілтеме жасап.

Халықаралық ұйым өкілінің айтуынша, 2021 жыл да коронавирус жылы болады, бірақ жағдай былтырғыға қарағанда қалыпты болады.

"Ең жағымсыз сценарий артта қалды. 2020 жылға қарағанда вирус туралы көбірек білеміз", - деді Клюге.

Алайда ол жеке өз болжамын айтып отырғанын нақтылады, себебі пандемияға байланысты жағдай қандай боларын ешкім дөп басып айта алмайды.

"Вирус қалады, бірақ шектеу қажет болмайды деп ойлаймын. Бұл жағымды сценарий", - деді ДДСҰ өкілі.

ДДСҰ Еуропалық өңірлік бюросы басшысы Ханс Клюге. © РИА Новости

ДДСҰ мәліметінше, 22 ақпанда әлемде COVID-19 жұқтырғандардардың тіркелген саны - 110 974 862, оның ішінде 2 460 792 адам қайтыс болған. Ауру жұқтырғандардың ең көбі АҚШ-та, Үндістанда және Бразилияда.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!