1. Басты
  2. Біл
  3. Жаңалықтар
  4. Жаһан

Экваторлық Гвинеядағы жойқын жарылыстардан 98 адам қаза болды 09 наурыз 2021, 09:14

Экваторлық Гвинеядағы әскери базадағы жарылыстар салдарынан қаза тапқандар саны 98-ге жетті, кем дегенде 615 адам зардап шекті. Бұл туралы елдің
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Экваторлық Гвинеядағы әскери базадағы жарылыстар салдарынан қаза тапқандар саны 98-ге жетті, кем дегенде 615 адам зардап шекті. Бұл туралы елдің вице-президенті Теодор Нгема Обианга Манге мәлімдеді, - деп хабарлайды Tengrinews.kz тілшісі РИА Новости ақпарат агенттігіне сілтеме жасап.

Бұған дейін 30 адам қаза тапқаны, зардап шеккендер саны 500-ден асқаны хабарланған болатын. 7 наурызда Бата қаласында бірқатар жойқын жарылыс болды. Бұл ел тарихындағы ең үлкен жарылыстардың бірі. Салдарынан барлық дерлік тұрғын үй құрылысы бүлінді немесе мүлде қирап қалды.

Президент Теодоро Обиан Нгема Мбасого Бата қаласындағы әскери базадағы жарылыстарға әскери қызметшілердің "немқұрайдылығы" мен қоймалардың жанында от жаққан фермерлердің ұқыпсыздығы себеп болғанын айтты.
 
Айта кетейік, алғашқы жарылыс болған әскери лагерь аумағында арнайы күштер мен әскерилендірілген жандармерия орналасқан.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!