Түркия президенті Режеп Тайып Ердоған Анкара жақын маңдағы аймақтардан келетін лаңкестік қауіптерге қарсы тұру үшін оңтүстік шекарада жаңа әскери операция бастайтынын мәлімдеді, - деп хабарлайды REUTERS агенттігі.
"Бұл операциялар әскери, барлау және қауіпсіздік күштері дайындықтарын аяқтағаннан кейін басталады", - деді Ердоған.
Агенттіктің мәліметінше, шабуыл Сирияның солтүстігіне бағытталады. Себебі, Түркия 2016 жылдан бастап күрдтердің "халықтық өзін-өзі қорғау отрядтарын" құлату үшін бірнеше әскери операциялар жүргізген болатын.
"Халықтық өзін-өзі қорғау отрядтары" 2014 жылдан бастап күрдтер басқаратын коалиция - Сирия демократиялық күштерін құруға көмектесті. Бұл отрядқа АҚШ ДАИШ-қа қарсы күресте үлкен сенім артады.
Ердоғанның мәлімдемесі Түркияның Финляндия мен Швецияның НАТО-ға қосылуына қарсылық білдірген тұсында жасалды.
Еске салайық, осыған дейін Түркия президенті Режеп Тайып Ердоған Швеция мен Финляндияның НАТО-ға кіруіне қарсы екенін айтқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
