Еурокомиссия тарапынан Украинаға берілетін көмек 11 миллиард еуро көлемінде болмақ

05 Наурыз 2014, 21:14
0
Украина Халықаралық валюта қорымен келісім-шартқа қол қоятын болса, Еурокомиссия бұл елге 11 миллиард еуро көлемінде қаржылық көмек береді, деп хабарлайды РИА Новости. Мұндай шартты ЕК төрағасы Жозе Мануэл Баррозу айтты.

Ол сондай-ақ Украина башыларымен келісім-шартқа қол қоятындығына үмітті екенін айта кетті. "Бүгін Еурокомиссия Украинаға берілетін көмектің көлемін анықтады. Біз Украина ХВҚ-мен келісім-шарт жасасады деп үміттенеміз. Бұл туралы Украина премьер-министрі де айтқан болатын. Егер келісімге қол қойылып жатса, бұл бағдарламаның даму шарты болады", - дейді Баррозу. Оның айтуынша, Украинаға Еуроодақ бюджетінен және халықаралық қаржы институттарынан екі жыл бойы қаржылық көмек көрсетіледі.

Сонымен қатар Украинаға қаржылық көмек көрсету мәселесін Ресей басшылығы да қарастырып жатыр. Ресей федерациясының қаржы министрі Антон Силуановтың айтуынша, көршілес жатқан елдегі жағдай ушыққанда көрсетілетін түрлі қаржылық көмектер қарастылып жатыр. "Жалпы біз Украинадағы табыстың төмендеуі мен табыс көзінің 15 пайызға дейін қысқарғаны туралы айтып жатырмыз. Бұл мәселеге байланысты шет елдік әріптестер бірінші кезекте Халықаралық Валюта қорынан көмек көрсетуді айтуда. Одан бөлек, АҚШ және Еуроодаққа кіретін мемлекеттер тарапынан көрсетілетін көмектер қарастырылуда", - деді министр



  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай