Google Украинадағы кейбір қызметті уақытша бұғаттады

Жансая Қадыржанова Корреспондент

Киев. Фото ©REUTERS

Америкалық Google трансұлттық корпорациясы Украинада Google картаның кейбір мүмкіндіктерін уақытша бұғаттады, - деп хабарлайды Tengrinews.kz тілшісі Reuters-ке сілтеме жасап.

Америкалық Google трансұлттық корпорациясы Украинада Google картаның кейбір мүмкіндіктерін уақытша бұғаттады, - деп хабарлайды Tengrinews.kz тілшісі Reuters-ке сілтеме жасап.

Компания Украинада Google картаның кейбір мүмкіншілігін бұғаттады. Соның ішінде жолдағы жүктеме мен жол қозғалысы туралы ақпарат қолжетімді болмайды.

Нақтырақ, сөз қолданушыларға белгілі бір уақыт ішінде ақпарат беретін екі функция туралы болып отыр: нақты трафикті және танымал орындарды көрсету. Бұл функциялар қандай да бір жерді алыстан бақылау және белгілі бір уақытта қанша адам бар екенін түсіну үшін қолданылады.

Бұл шара жергілікті халықтың қауіпсіздігі мен украиндықтарды қорғау үшін енгізілгені айтылды. Сонымен қатар, бұл шешім жергілікті шенеуніктермен кеңескеннен кейін шығарылған.

Айта кетейік, ірі технологиялық компаниялар, соның ішінде Google, қолданушылардың қауіпсіздігін қорғау үшін жаңа шаралар қабылдап жатыр.

Бұған дейін Telegram желісінің негізін қалаушы Павел Дуров Ресей мен Украина аумағында мессенджердің жұмысын шектеуге рұқсат берген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!