Гүлнара Каримоваға бірнеше бап бойынша айып тағылды - БАҚ

28 Шілде 2017, 12:43
2
Гүлнара Каримоваға бірнеше бап бойынша айып тағылды - БАҚ - Гүлнара Каримова. © Валерий Левитин/ РИА Новости
Гүлнара Каримова. © Валерий Левитин/ РИА Новости

Өзбекстанның экс-президентінің қызы Гүлнара Каримоваға Қылмыстық кодекстің бірнеше бабы бойынша айып тағылды, оған қатысты қамауға алу түріндегі бұлтартпау шарасы таңдалған, - деп хабарлайды Tengrinews.kz тілшісі Өзбекстанның ұйымдасқан қылмыстық топпен күрес басқармасы мен бас прокуратурасына сілтеме жасап.

"Каримова Гүлнараға Өзбекстан Республикасының 168, 178, 182, 189, 228 және 243-баптары бойынша айып тағылды, оған қатысты қамауға алу түріндегі бұлтартпау шарасы таңдалды. Каримоваға айып дәлелденген істердің негізінде тағылып отыр, сол істердің ішінде ұйымдасқан қылмыстық топтардың, куәгерлердің, жәбірленушілердің жауаптары және ұйымдасқан топтың бақылауындағы 14 фирма мен 16 оффшор компаниясының қызметін тексеруден, жазбаша және заттай айғақ ретіндегі тәркіленген айғақтар мен сараптамалардың қорытындылары бар", - делінген ведомствоның хабарламасында.

Мемлекет пен азаматтардың мүддесіне екі қылмыстық іс бойынша келтірілген шығынның жалпы сомасы - 1 триллион 270 миллиард 200 миллион сом, 1 миллиард 651,8 миллион доллар, 26,1 миллион еуро (ұлттық валютадағы жалпы сома - 3 триллион 746,8 миллион сом) делінеді.  

Еске салайық, Өзбекстан Республикасының президенті Ислам Каримов 2016 жылдың қыркүйегінде 78 жасында өмірден озған еді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай