1. Басты
  2. Біл
  3. Жаңалықтар
  4. Жаһан

Желіде "үйдің ауласын дезинфекциялағандардың" видеосы талқыланып жатыр

Әлеуметтік желілерде "дезинфекция жасайтындардың" үйдің ауласында суретке түскен сәтінің видеосы тарап жатыр, - деп хабарлайды Tengrinews.kz тілшісі.

Жарияланған видеода олардың тек суретке түсіп жүргені көрінеді, бірақ расында дезинфекция жұмыстары жүргізілмейді.

Нұр-Сұлтан әкімдігінің өкілдері бұл видеоның елордадағы тұрғын үйлерге қатысы жоқ екенін айтады. Әкімдіктегілердің айтуынша, бұл ресейлік телеарнаның сюжетінен алынған.

"Facebook қолданушысы Әлия Сыздықова осы видеоны жариялап, оның Нұр-Сұлтанда түсірілгенін айтады. Оның айтуынша, ПИК өкілдері үйдің ауласын дезинфекциялаудың орнына суретке түсіп жүр. Бұл жалған мәлімет. Бұл видео Мәскеуде түсірілген, НТВ телеарнасының сюжетінде бар. Видеоны автордың өзі түсірмеген болса, азаматтардан жалған мәлімет таратпауды сұраймын. Жалған мәлімет таратқандарға жаза қарастырылған", - деді қала әкімінің баспсөз хатшысы Ақмарал Олжабаева.

12:25 сәтте көрсетілген:

Әкімдіктің мәліметінше, Нұр-Сұлтанда 80-нен аса үйде дезинфекциялық жұмыстар жүргізілді.

Қазақстан жаңалықтары. Соңғы жаңалықтар. Telegram желісінде бізге жазыл! 

Доллар қымбаттап жатыр