+7 (777) 001 44 99
Қазақша
Русский
English
Қазақша
Русский
English
Ауғанстанның Кабул қаласы көшелерінде бірнеше әйел құқығын талап етіп, акция өткізді, - деп хабарлайды Tengrinews.kz тілшісі РИА Новостиге сілтеме жасап.
Хиджап киген әйелдер үнқағаз ұстап, көшелерде жүріп өткен, сосын тоқтап, талаптарын айғайлап айтқан. Олар тәліптерден (Жоғарғы сот шешіміне сәйкес қозғалысқа Қазақстанда тыйым салынған) саяси және азаматтық құқықтарды, сондай-ақ, әйелдер құқығын құрметтеуді талап етті.
Агенттік олардың акциясына ешкім кедергі болмағанын, қарсы әрекет жасалмағанын хабарлады.
Мұның алдында Ауғанстанда мұғалімдер мектеп оқушыларымен қоштасқаны хабарланған. Оған себеп - "Талибан" террористік тобының содырлары қыздарға білім алуға тыйым салу мүмкіндігі.
Еске салайық, 15 тамызда "Талибан" қозғалысының содырлары Ауғанстанның астанасы Кабулды басып алып, президент сарайына басып кірді. Ауғанстан президенті Ашраф Ғани елден кетті. Талибан Ауғанстан Ислам Әмірлігін құруға ниет білдірді. Кабул әуежайында дүрбелең басталды - Ауғанстаннан шығудың жалғыз жолы. Мыңдаған адам елден кету үшін, Кабул әуежайындағы әскери ұшаққа жармасты.
Сыртқы істер министрлігі Қазақстанның Ауғанстаннан босқындарды қабылдайтыны туралы ақпаратты жоққа шығарды. Қазақстан Президентінің баспасөз хатшысы Берік Уәли Қасым-Жомарт Тоқаевтың Ауғанстаннан келген босқындарға қатысты шешім қабылдамағанын айтты.
Қазақстан Ауғанстаннан келетін студенттерге қандай қолдау көрсете алады?
Бұған дейін Қазақстан Президенті Қасым-Жомарт Тоқаев Ауғанстандағы оқиғаларға байланысты кеңес өткізген болатын. Бірінші күні Мемлекет басшысы Президент Әкімшілігі мен Сыртқы істер министрлігіне Ауғанстанға байланысты мәселелер бойынша мемлекеттік құрылымдардың қызметін үйлестіруді тапсырғанын айтты. Ал екінші күні Президент бейінді ведомстволарға Ауғанстандағы жағдайды жан-жақты бақылауды жалғастыруды тапсырды, бұл осы елмен кейінгі ынтымақтастыққа қатысты шешімдер қабылдау үшін аса маңызды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
