Microsoft негізін қалаушы Билл Гейтс коронавирусты жеңгеннен кейін адамзатқа басқа қауіптер төнуі мүмкін екенін айтты, - деп хабарлайды Tengrinews.kz тілшісі LADbible-ге сілтеме жасап.
Бұл туралы мультимиллиардер Veritasium YouTube-каналына берген сұхбатында айтты. Гейтстің айтуынша, жылуға байланысты табиғи апаттардан қайтыс болғандар саны жыл сайын артып жатыр.
"Коронавирус пандемиясы кезіндегіге қарағанда қайтыс болғандар саны көп болады", - деді ол.
Сондай-ақ, Microsoft негізін қалаушы биотерроризмнің де зор қауіп екенін айтты.
"Адамзатқа елеулі зиян келтіргісі келетін адам соңы өлімге әкелетін вирус әзірлеуі мүмкін", - дейді кәсіпкер.
Айта кетейік, бұған Гейтстің коронавирус пандемиясына қатысы бар деген қауесет тараған болатын. Кәсіпкер оған қатысты пікір білдірген. Оның айтуынша, вакцинация туралы жалған фактілердің таралуы COVID-19 эпидемиясын ұзартуы мүмкін.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
