Қырғызстан президенті лаңкестерді азаматтығынан айыру туралы заңға қол қойды

04 Тамыз 2016, 16:21
0
Қырғызстан президенті лаңкестерді азаматтығынан айыру туралы заңға қол қойды - Қырғызстан Президенті Алмазбек Атамбаев © РИА Новости
Қырғызстан Президенті Алмазбек Атамбаев © РИА Новости

Қырғызстан президенті Алмазбек Атамбаев терроризм мен экстремизм үшін сотталған адамдарды азаматтығынан айыру туралы заңға қол қойды, - деп хабарлайды Tengrinews.kz тілшісі Қырғызстан президентінің сайтына сілтеме жасай отырып. Бұл заңның мақсаты - халықаралық терроризм мен экстремизм саласындағы қылмыстар үшін қатаң жауапкершілікке тарту.

"Қырғыз Республикасының терроризм мен экстремизмге қарсы кейбір заңнамалық актілеріне өзгерістер енгізу" заң жобасы жарыққа шыққаннан кейін он күннен соң өз күшіне енеді. Ол заңды Жогорку Кенеш 30 шілдеде қабылдады. Заң жүзінде Әкімшілік жауапкершілік кодексіне, Қылмыстық кодексіне, Қылмыстық-атқару кодексіне және "Терроризмге қарсы әрекет", "Экстремизм қызметіне қарсы әрекет", "Қырғызстан азаматтығы" және "Мемлекеттік зейнеткерлік әлеуметтік сақтандыру" заңдарына өзгертулер енгізіледі.

Бұл өзгерістер жазалаудың және жаза өтеу мекемелерінде жазасын өтейтіндер үшін шарттарды қатаңдауға бағытталған. Еске салайық, кәмелет жасына толмағандарды қарулы қақтығыс болып жатқан жерлерге аттандыруға қылмыстық жазаны қарастыратын заңға өзгертулер болатындығы айтылып отыр. Террористтік және экстремистік әрекеттерді ашық түрде қолдап, ғаламторда жариялағаны үшін адамдар мен БАҚ өкілдеріне 100 мың сом (1,5 мың доллар) айыппұл салынуы керек деген ұсыныс қабылданды. Егер осы жағдай бір жыл ішінде қайталанатын болса, онда ол қылмыстық жазалауға тартылады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай