Жемқорлық үшін сотталған Қырғызстанның бұрынғы премьер-министрі Сапар Исақов колониядан босатылды, - деп хабарлайды Tengrinews.kz тілшісі 24.kg басылымына сілтеме жасап.
Исақов министрлер кабинетін Атамбаевтың кезінде басқарған. 2019 жылғы желтоқсанда Исақов астанадағы ЖЭС-ті жаңғырту кезінде жемқорлық жасады деген айыппен 15 жылға сотталған. Осы жылдың маусымында экс-премьер Бішкектегі тарихи музей реконструкциясы мен Шолпан Ата қаласындағы ипподром құрылысында жемқорлық жасады деген айып тағылып, тағы сотталған.
Жақында ол № 27 колонияға ауысқан.
Еске салайық, Қырғызстанның астанасында митингіге шыққандар экс-президент Алмазбек Атамбаевты Ұлттық қауіпсіздік мемлекеттік комитетінің тергеу изоляторынан босатылғаны хабарланды.
Қазақстан жаңалықтары. Соңғы жаңалықтар. Telegram желісінде бізге жазыл!
