Қытайда коронавирус індетінің таралуы тоқтады. Бұл туралы ҚХР денсаулық сақтау мәселелері жөніндегі мемлекеттік комитеттің ресми өкілі Ми Фэн мәлімдеді, деп хабарлайды Tengrinews.kz тілшісі РИА Новости-ге сілтеме жасап.
28 наурыздағы мәліметке сәйкес, елде қауіпті індетті жұқтырғандардың саны 3 мыңнан кем болған.
"Қытай аумағында эпидемияның таралуы тоқтады", - деді Ми Фэн.
ҚХР-да коронавирусты 81 439 адам жұқтырған. 75 448 науқас аурудан жазылса, 3300 адам індеттен көз жұмған.
Айта кетейік, Қазақстанда қауіпті індетті жұқтырғандардың саны 265-ке жетті.