Мұғалім оқушының бетінен шапалақпен ұрып, дәптерін жыртып тастаған 19 желтоқсан 2021, 14:45
Свердлов облысы Березовский қаласында жергілікті мектеп мұғалімі алтыншы сынып оқушысын "сен" дегені үшін шапалақпен ұрып, дәптерін жыртып тастаған, - деп хабарлайды Tengrinews.kz тілшісі Gazeta.ru-ға сілтеме жасап.
Видео "Березовский. Новости золотого города" парақшасында жарияланды.
Баланың сыныптастарының айтуынша, ол дәптерін мұғалімге бермеген, сонымен қатар сабақта телефонмен отырған. Мұғалім оқушыдан дәптерін тартып алғанда: "Қайтар", – деді. Бұған жауап ретінде мұғалім дәптерді жұлып алып, оқушының бетінен шапалақпен ұрып жіберген.
Бұған дейін Екатеринбургтегі №16 мектептің 3-сынып оқушысы мұғалімнің кесірінен үйде оқуға көшкен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!