1. Басты
  2. Біл
  3. Жаңалықтар
  4. Жаһан

Мысырда мешітте қырғын салған 15 лаңкестің көзі жойылды25 қараша 2017, 12:55

Мұрағаттағы сурет REUTERS © Мұрағаттағы сурет REUTERS ©

Мысырдың әуе күштері Әл-Ариш мешітінде қанды қырғын жасаған содырлардың көзін жойды. Бұл туралы жергілікті БАҚ мәлімдеп жатыр, - деп хабарлайды РИА Новости

Ұшқышсыз басқарылатын ұшақтар лаңкестік болған жердің маңында екі көлікпен кетіп бара жатқан 15 содырдың көзін жойған. 

Еске салайық, лаңкестер жұма намазы кезінде Әл-Ариш қаласының батысындағы мешітке басып кіріп, жарылғыш затты іске қосқан. Осыдан кейін мешіттен қашып шығып жатқан адамдарды атып тастап отырған. Соңғы мәліметтер бойынша, лаңкестік салдарынан 235 адам мерт болып, 130 адам жарақат алды. Куәгерлердің сөзінше, мешітте 500-дей адам болған. 

Мысыр прокуратурасы мешітке жасалған шабуылға қатысты тергеу бастады. Ауруханадағы жаралылардан куәлік алынып жатыр.