Мысырдың Александрия қаласында арыстан баптаушысын цирк қойылымы кезінде жануарлардың бірі талап өлтірді. Куәгерлер оқиғаның видеосын LiveLeak.com порталына жүктеген.
Mirror басылымының мәліметінше, жыртқыш 35 жастағы Ислам Шахинге шабуылдаған. Арыстан оның үстіне секіріп, мойнын және денесін тістей бастаған. Торда сол сәтте болған қызметкерлер әріптесін әзер шығарып алған. Зардап шеккен ер адам таяудағы ауруханаға жеткізілген, алайда ол алған жарақатынан қайтыс болған.
Ислам Шахин арыстан үйретуші болып 10 жыл жұмыс істеген екен. Цирк өкілінің айтуынша, шабуылдаған арыстан бұл топқа жаңадан қосылған. Жыртқыш Оңтүстік Африкадан жеткізіліпті.
