Өзбекстандағы парламент сайлауының алдын ала қорытындылары шықты

22 Желтоқсан 2014, 19:30
0
Өзбекстандағы парламент сайлауының алдын ала қорытындылары шықты - Өзбекстан парламентінің ғимараты. ©РИА Новости
Өзбекстан парламентінің ғимараты. ©РИА Новости
Өзбекстандағы парламент сайлауының алдын ала қорытындылары шықты - Өзбекстан Республикасы Орталық сайлау комиссиясының төрағасы Мирзо-Улугбек Абдусаломов ©uzdaily.com
Өзбекстан Республикасы Орталық сайлау комиссиясының төрағасы Мирзо-Улугбек Абдусаломов ©uzdaily.com

Өзбекстан Республикасында өткен заң шығарушы Олий Мәжіліс депутаттарын сайлаудың алдын ала қорытындылары шықты, - деп хабарлайды Tengrinews.kz тілшісі Өзбекстан Республикасы Орталық сайлау комиссиясының сайтына сілтеме жасап. Сайлаудың алдын ала қорытынды бойынша Олий Мәжіліс Заң шығарушы палатасына 113 сайлау округі бойынша депутаттар сайланды.

Сайлау қорытындысына қатысты өткен брифингте комиссия төрағасы Мирзо-Улугбек Абдусаломов либералдық-демократиялық партиядан - 47 депутат, "Миллий тикланиш" демократиялық партиясынан - 28, халықтық-демократиялық партиядан - 21, "Адолат" Өзбекстанның социал-демократиялық партиясынан 17 депутат сайланғанын мәлім етті.

Сондай-ақ, ол Өзбекстанның экологиялық қозғалысының конференциясында ұсынылғандар ішінен парламенттің Заң шығарушы палатасына жасырын дауыспен 15 депутат сайланғанын айтты.

Абдусаломовтың мәлімдеуінше, 22 округте бірде-бір үміткер қажетті дауыс санын жинай алмаған. Енді заңнамаға сәйкес сайлау кезінде ең көп дауыс жинаған екі үміткерге қайта дауыс берілетін болады.

Еске сала кетейік, бұған дейін Өзбекстанда биылғы парламент сайлауына қатысушылардың қатары 88 пайыздан асқаны хабарланған болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай