Өзбекстанның жаңа президенті басшыларды қызметінен қуа бастады

22 Қыркүйек 2016, 09:46
0
Өзбекстанның жаңа президенті басшыларды қызметінен қуа бастады - © РИА Новости
© РИА Новости

Өзбекстан президенті міндетін уақытша атқарушы Шавкат Мирзиеев Джизак қаласының басшысын және Джизак облысының кейбір аудандарының басшыларын жұмыстан шығарды. Бұл туралы республика президентінің сайтында хабарланып отыр.

Мирзиеев 16 қыркүйекте жүзеге асырылып жатқан әлеуметтік-экономикалық реформалардың барысымен танысу мақсатында Джизак облысына барған. "Сол күні Джизак қалалық халық депутаттарының кеңесі өтті. Онда жұмыстағы шалалықтары үшін Джизак қаласының хокимі Асрор Кобилов қызметінен кетті. Мирзиеев Абдукаххар Тухтаевты әкім етіп тағайындады", - делінген хабарламада.  

Сонымен қатар, президенттің баспасөз қызметіндегілердің мәліметінше, қызметтегі қателіктері мен шалалықтары үшін Джизак облысының прокуроры, сонымен қатар, бірқатар ауданның хокимдері жұмыстан шығарылыпты. Олардың орнына жаңа шенеуніктер тағайындалып та қойыпты. 

Еске салайық, 2 қыркүйекте 78 жасында Өзбекстан президенті Ислам Каримов қайтыс болған еді. Кейін Өзбекстан премьер-министрі Шавкат Мирзиеев Өзбекстан президентінің міндетін уақытқа атқарушы болып тағайындалды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай