Пәкістанның оңтүстік-батысында жанкешті өзін жарып жіберді, - деп хабарлайды Tengrinews.kz тілшісі DW сайтына сілтеме жасап.
Жарылыс Белуджистан провинциясының орталығы Кветтадан 160 шақырым жердегі Сиби қаласына жақын жерде болған.
Басылым мәліметінше, жанкешті мотоциклмен полиция жүк көлігінің артына соғылған.
Жарылыс салдарынан 9 қауіпсіздік қызметкері қаза тауып, 16 адам жарақат алған.
Билік полиция өкілдері апталық мал көрмесінде қауіпсіздікті қамтамасыз етіп, содан қайтып келе жатқанын айтады.
Әзірге ешбір топ жарылыс үшін жауапкершілікті мойнына алмаған. Белуджистан провинциясы Ауғанстанмен және Иранмен шектеседі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
