Пентагон белгісіз ұшатын нысанды ұстау кезінде түсірілген видеоны жариялады

19 Желтоқсан 2017, 12:53
0
Пентагон белгісіз ұшатын нысанды ұстау кезінде түсірілген видеоны жариялады - видеодан үзінді
видеодан үзінді

Пентагон америкалық ұшақтардың белгісіз ұшатын нысанды ұстау кезінде түсірілген видеоны жариялады, - деп хабарлайды The Independent.

Видеода 2004 жылы Сан-Диего жағалауында екі F/A-18 Super Hornets жойғыш ұшақтарының жүргізген операциясы түсірілген. 

Басылым мәліметінше, командир Дэвид Фрэвор және капитан-лейтенант Джим Слейт Тынық мұхитынан 160 шақырым жерде күнделікті жаттығу жасап жүрген. Сол кезде оларға белгісіз ұшатын нысанды ұстау бұйрығы түскен. 

Фрэвордың айтуынша, нысанның ұзындығы шамамен 10 метрдей болған, алайда оның қанаты не пропеллері болмаған. Соған қарамастан ол жойғыш ұшақтарды емін-еркін озып кеткен. "Оның не екенін айта алмаймын. Мен мұндай жылдамдықты ешқашан көрген емеспін", - деді ұшқыш. Оның артынан қуу бұйрығы болмағандықтан, ұшқыштар базаға қайтқан. Оның нақты не екені әлі күнге дейін белгісіз.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай