Польша мен Беларусь шекарасында не болып жатыр?

Польша Беларусьпен шекарада мигранттармен ірі қарулы қақтығыстар болатынын ескертті, - деп хабарлайды Tengrinews.kz тілшісі Reuters агенттігіне сілтеме жасап.

Польша Үкіметінің өкілі Петр Мюллер қазіргі уақытта шекараның жанында 3000-4000 мигрант бар екенін,  Белоруссиядағы 10 000-нан астам адам Польшамен шекараны кесіп өтуге тырысып жатқанын мәлімдеді.

"Польша шекарасындағы әрекеттің өршуінің соңы ірі қарулы қақтығысқа жалғасады", - деді ол.

Na granicy noc minęła w miarę spokojnie. Jedynie w policyjny samochód poleciał kamień.#naGranicy pic.twitter.com/mCqShhG0Ri

— podlaska Policja (@podlaskaPolicja) November 9, 2021

Сондай-ақ, Польша Ұлттық қауіпсіздік бюросының басшысы Павел Солох та жақын сағаттарда Варшава шекарада бірнеше жүз адамнан тұратын топтармен шабуылдар қайта басталады деп күтетінін айтты.

? PILNE | Polskie służby udaremniły próbę siłowego przedarcia się na polską stronę przez migrantów na południe od przejścia granicznego w Kuźnicy. Sytuacja została opanowana. pic.twitter.com/iJNvufd524

— MSWiA (@MSWiA_GOV_PL) November 8, 2021

Польша мен Еуропалық Одақ (ЕО) елдері Александр Лукашенконың оппозицияны аяусыз басып-жаншуын сынағаны үшін Беларусьті Еуропада жаңа босқын дағдарысын тудырмақ болды деп айыптады. Жағдай бірнеше ай бойы шиеленісіп, дүйсенбі күні ушығып кетті, поляк тарапының айтуынша, Беларусь билігі 1000-ға жуық адамды Польша шекарасына дейін шығарып салған.

Poland expects groups of several hundred migrants each to attempt to cross into the country from Belarus in the coming hours, as thousands gather at the frontier, Polish government officials say https://t.co/4ERTTDZUL1 pic.twitter.com/qo4RNZtj0p

— Reuters (@Reuters) November 8, 2021

Польша Қорғаныс министрлігі ел мигранттардың шекарадан күшпен өтуге тырысқан талпыныстарына төтеп бергенін айтты. Польша Премьер-министрі Матеуш Моравецкий мигранттарға қарсы штаб құрды, сондай-ақ ел әскери дайындығын күшейтті, терроризмге қарсы бөлімшелер шекараға жіберілді. Сонымен қатар, мигранттардың жағдайына байланысты әскерлерді көшіру басталды.

Migrants from the Middle East are trying to violently force their way into Poland at the border with Belarus. They’ve broken through the wire fencing. They want to go to Germany & Northern Europe for the generous public benefits. pic.twitter.com/WHP2LaQLGX

— Andy Ngô ?️‍? (@MrAndyNgo) November 8, 2021

Польша шекара күзеті сейсенбіде көші-қон жағдайына байланысты Беларусьпен шекара арқылы өтетін "Белосток бекінісі" өткізу пункті жабылатынын мәлімдеді.

Kuźnica: próba sforsowania polskiej granicy pic.twitter.com/kqCkLPdsiK

— Ministerstwo Obrony Narodowej ?? (@MON_GOV_PL) November 8, 2021

"Бізде Беларусьпен шектесетін үш шекара бекеті бар. Олардың біреуін жабуды экономикалық санкция ретінде қарастыру керек", - деді Ішкі істер министрінің орынбасары Мацей Васик.

Васик шекарадағы шиеленістің ушығуына байланысты Еуроодақтың Минскіге қарсы бұдан да қатаң санкциялар енгізу керектігін айтты. Балтық жағалауы елдері Литва, Латвия және Эстония да осындай үндеу жасады.

АҚШ Мемлекеттік департаменті шекарадағы алаңдататын суреттер мен хабарламаларға алаңдаушылық білдірді және Беларусь үкіметін оның шекарасы арқылы заңсыз көші-қон ағындарын ұйымдастыру және мәжбүрлеу науқанын дереу тоқтатуға шақырды.

Bardzo niepokojące informacje z granicy. Na Białorusi, przy granicy z Polską, zgromadziła się duża grupa migrantów.

Ruszyli właśnie w stronę granicy RP. Będą próbowali masowo wkroczyć do Polski. pic.twitter.com/AHexXfsy8a

— Stanisław Żaryn (@StZaryn) November 8, 2021

Кремльдің баспасөз хатшысы Дмитрий Песков өз кезегінде Минскінің мигранттар мәселесін шешу жолын қорғап, Беларусь заңды түрде әрекет ету үшін барлық қажетті шараларды қолданып жатқанын айтты.

Біріккен Ұлттар Ұйымы шекарадағы көріністерге қатты алаңдап отырғанын жеткізді. Шекарадағы куәгерлердің айтуынша, мигранттар аязда азық-түлік пен медициналық көмек тапшылығын көріп отыр. Мысалы, Польшада жеті мигрант шекара маңында өлі табылды деп хабарланса, Беларусьте де өлім саны көбейген.

Kurdish kids on Belarus-Poland border. pic.twitter.com/h77UG5UzUv

— Baxtiyar Goran ☀️ (@BaxtiyarGoran) November 8, 2021

Гуманитарлық ұйымдар Польша үкіметін мигранттарды қорғау талаптарын қабылдамай, Беларуське кері қайтарып, халықаралық баспана заңын бұзды деп айыптайды. Польша болса, барлық әрекеттер заңды деп мәлімдейді.

Refugees at the border of #Poland and #Belarus #SAVE_BELARUS_REFUGEES #Refugees pic.twitter.com/rKwPSjEk8x

— Farid Qureshi (Farid Ahmed) (@FaridQureshi_UK) November 8, 2021

Еске салайық, Беларусьтің Польша, Литва және Латвиямен шекарасындағы миграциялық дағдарыс соңғы бірнеше аптада күрт ушығып кетті. Біріккен Ұлттар Ұйымының Босқындар ісі жөніндегі Жоғарғы комиссары басқармасының (БҰҰ БЖКБ) өтінішіне қарамастан, поляк әскерилері көрші Беларусьтен Польшаға кіретін Таяу Шығыс пен Ауғанстаннан заңсыз мигранттармен күресу үшін тікенек сымдар орнатуға шешім қабылдады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!