+7 (777) 001 44 99
ПОДЕЛИТЬСЯ
Польшада вакцинация орталықтарының бірінде өрт шықты, - деп хабарлайды Tengrinews.kz тілшісі The Wall-ға сілтеме жасап.
Польшада вакцинация орталықтарының бірінде өрт шықты, - деп хабарлайды Tengrinews.kz тілшісі The Wall-ға сілтеме жасап.
Елдің денсаулық сақтау министрі Адам Недзельскийдің айтуынша, Замостье қаласында белгісіз адам 2 тамызға қараған түні мобильді вакцинация пункті мен эпидемиологиялық станцияны өртеп жіберген.
Салдарынан вакцинация пунктіндегі үстелдер, кереуеттер және компьютер, сондай-ақ эпидемиологиялық станцияның қорғаныс костюмдері бар жертөле бөлмелерінің бірі өртеніп кеткен. Алдын ала мәлімет бойынша, қылмыскер жертөледегі әйнекті сындырып, бөлме ішіне өрт қойған. Оқиға салдарынан зардап шеккендер жоқ.
Policja udostępniła wizerunek podpalacza punktu szczepień w Zamościu.
— ????? ?.™ (@synxchaosu) August 2, 2021
Pomóżmy w identyfikacji i znalezieniu tego człowieka. pic.twitter.com/VYvsN69D2G
"Бұл тек вакцинация орталығының қызметкерлері мен вакцина алуға келетін тұрғындарға ғана емес, сонымен қатар мемлекетке қарсы бағытталған террористік акт болды. Бұл шабуылдың мақсаты - адамдарды вакцина алу ниетінен айныту", - деді министр Недзельский.
Жергілікті билік өрт қойған адам туралы ақпарат бергендерге 10 мың злоты (шамамен 1,1 миллион теңге) беруге ниетті. Өрт қойған адам велосипедпен оқиға орнынан қашып кеткен. Енді вакцинация пункттерінде тәулік бойы күзет болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
