1. Басты
  2. Біл
  3. Жаңалықтар
  4. Жаһан

Ресейде Ан-2 ұшағы апатқа ұшырады: бір адам қаза тапты

Фото: modeland.com.ua Фото: modeland.com.ua

Нижегородск облысында Ан-2 ұшағы апатқа ұшырады. Салдарынан бір адам зардап шегіп, бір адам қаза тапты, Бұл туралы Ресейдің төтенше жағдай министрлігі хабарлады. 

РИА Новости агенттігінің мәліметінше, өңірдің төтенше жағдай министрлігінің басшысы ұшақтың апатқа ұшырағаны туралы ақпаратты тексеріп, оқиға орнына шұғыл әрекет ету қызметін жіберген.

"13 шілдеде Мәскеу уақыты бойынша 4.10-де (Нұр-Сұлтан уақыты бойынша 7.10) Ан-2 ұшағының апатқа ұшырағаны туралы хабарлама түсті. Ол Нижегородск облысы Большеболдин ауданы Кистеневка елді мекеніне құлап өртенген", - делінген хабарламада.

 Ұшақ апатынан бір адам зардап шегіп, бір адам қаза тапқан. Зардап шеккен адам ауруханаға жеткізілген.