Сауд Арабиясында Назарбаев туралы тарихи фильм көрсетілді

07 Шілде 2015, 12:43
0
Сауд Арабиясында Назарбаев туралы тарихи фильм көрсетілді - © glen555.livejournal.com
© glen555.livejournal.com

Сауд Арабиясының танымал телеарнасы Назарбаев туралы тарихи фильм көрсетті, - деп хабарлайды Tengrinews.kz тілшісі ҚР СІМ баспасөз қызметіне сілтеме жасап.

Баспасөз қызметінің мәліметінше, "Әл-Арабия" жетекші араб телеарнасы Нұрсұлтан Назарбаев туралы арнайы деректі фильмді 6 шілдеде көрсетті.

"Қазақстан Республикасының Сауд Арабиясы Корольдігіндегі елшілігі мұсылман әлеміне танымал "Әл-Арабия" телеарнасымен бірлесе отырып, ҚР Президенті Нұрсұлтан Назарбаев туралы арнайы деректі фильмді көрермендердің назарына ұсынды. Бұл тарихи фильмде Қазақстанның қалыптасуына және халықаралық саясаттың дамуына Президент Нұрсұлтан Назарбаевтың қосқан ерен еңбегі, қысқа мерзім ішінде еліміздің қарқынды дамуы, Елбасы айқындаған қазақстандық жолдың биік белестерді өткергендігі туралы деректер көрсетілген. Сонымен қатар, Президенттің ұлт көшбасшысы, азамат және адам ретіндегі көпқырлы тұлғасы осы фильмде айқындалған", - делінген министрліктің хабарламасында.

Айта кетейік, "Әл-Арабия" - 2003 жылдан бері тәулік бойы жұмыс істейтін, араб тілінде хабар тарататын жерсеріктік телеарна. Штаб-пәтері Дубайда орналасқан. Телеарна аудиториясы 30 миллион адамға тең. "Әл-Арабия" телеарнасының бағдарламалар тізімін жаңалықтар, сараптамалық хабарлар, ток-шоу және деректі фильмдер толықтырады.

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай