Тікелей эфирде оқ жаудырған. Жаңа Зеландиядағы оқиға

15 Наурыз, 17:23
0
Тікелей эфирде оқ жаудырған. Жаңа Зеландиядағы оқиға - © видеодан алынған кадр
© видеодан алынған кадр

Жаңа Зеландиядағы Крайстчерч қаласының екі мешітінде атыс болды. Нәтижесінде 49 адам қаза тапты, - деп хабарлайды Tengrinews.kz тілшісі.

Бүгін, 15 наурызда таңғы уақытта Крайстчерчта атыс болды. Шабуыл таңғы уақытта жасалған, ол уақытта мешітте бірнеше жүздеген адам болған. Осыдан кейін мешіттерге қаруланған жасақ шақырылып, барлық мектеп пен жақын маңдағы көшелер жабылған. Жергілікті әуежай рейстарды кейінгі қалдырды. Авиациялық қауіпсіздік өкілдері терминалдарда тексеріс жұмыстарын күшейткен.


БАҚ беттерінде күдікті Брентон Тарранттың суреті жарияланды

РИА Новости мәліметінше, елдің бас полицейі Майк Буш 49 адамның өлімі жайлы хабарлады. Денсаулық сақтау басқармасының хабарлауынша, емханада оқ жарақатын алған 48 адам жатыр. БАҚ мәліметінше, мешіттердің бірінде шабуылды Аустралия азаматы жасаған.

Кейінірек суреттегі ер адам жайлы ақпарат шықты, ол Жаңа Оңтүстік Уэльс штатында орналасқан Графтон қаласының тұрғыны Брентон Таррант (Brenton Tarrant) екен. Тағы бір мәлімет бойынша, ол 37 беттік "манифест" жазған. Ол жақта өзінің мақсаттары айтқан.

Кейін Жаңа Зеландияның премьері күдіктінің расында да Аустралия азаматы екенін растады. Сондай-ақ,  премьер-министр Джасинда Ардерн осы оқиғаға байланысты төрт адам ұсталғанын айтты. Оның айтуынша, күдікті Таррантаның екі сыбайласы болған. Ал төртінші ұсталған күдіктінің бұл жағдайға қатысы жоқ екен.

Қаскүнем Брентон Таррант мешіттердің біріне жасаған шабуылын әлеуметтік желі арқылы тікелей эфирден көрсеткен.

Жаңа Зеландияның полицейлері қаскүнемнің түсірген видеосын жарияламауды сұраған. Мешіттегі адамдардың бірі шабуыл кезінде қашу үшін шыны есіктерді бұзған. Тірі қалғандардың бірі лаңкестен тығылу үшін орындықтың астына жасырынғанын айтқан. 

Премьердің баспасөз мәслихаты аяқталуға жақын қалған кезде Оклендтегі вокзалда жарылыс болған. Айта кетейік, Окленд қаласы шабуыл жасалған Крайстчерчтен мың шақырым қашықтықта орналасқан. Кейін ол жарылыстың себебі анықталды.   

Осыған дейін Жаңа Зеландияда жаппай адам өлтіру оқиғасы 1990 жылы болған екен, ол кезде Арамоана ауылында бір қаскүнем 24 сағаттың ішінде 13 ер адам мен әйел адамды және баланы өлтірген. Кейін полицейлер оның көзін жойған. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай