Президент Қасым-Жомарт Тоқаев пен Украина басшысы Владимир Зеленскийдің Біріккен Ұлттар Ұйымының Бас ассамблеясының Нью-Йоркте болған 74-сессиясы кезіндегі кездесу видеосы жарияланды, - деп хабарлайды Tengrinews.kz тілшісі.
Видеоны Президенттің баспасөз хатшысы Берік Уәли Facebook желісіндегі парақшасында жариялаған.
Кездесу барысында Тоқаев ортақ тарихы мен болашағын сөз ете кетті. Ол Украинамен саяси, сауда-экономикалық қатынастар бойынша ынтымақтастықты одан әрі дамытуға дайын екенін сондай-ақ бұл үшін зор мүмкіндіктердің бар екенін атап өтті.
Кездесу соңында Тоқаев пен Зеленский бір-бірін өзара мемлекетаралық сапарға шақырды.
Сонымен қатар Қазастан Президенті БҰҰ 74-сессиясы кезінде ашық дебаттарға қатысты.
