Түркиядағы курорттарда коронавирус жұқтырғандардың саны күрт өсті. Бұл туралы елдің денсаулық сақтау министрі Фахреттин Коджа мәлімдеді, - деп хабарлайды Tengrinews.kz тілшісі РИА Новости агенттігіне сілтеме жасап.
"Соңғы уақытта алғаш рет ауру жұқтырғандардың күрт көбейгенін көріп отырмыз", - деді Коджа.
Шенеуніктің айтуынша, Түркия жағдайдың соңы қауіпті болмауы үшін қолдан келгенін жасау керек.
Бұған дейін Қазақстан Түркияға әуе рейстерін 10 тамыздан бастап ашуды жоспарлағаны хабарланды.
"Бәрі елдегі және серіктес-елдегі эпидемиологиялық жағдайға байланысты болады. Бірақ Түркияға рейстерді 10 тамыздан бастап ашу мәселесі қарастырылып жатыр", - деді МСМ туризм индустриясы комитетінің төрағасы Дастан Рыспеков ОКҚ онлайн-брифингінде.
Қазақстан жаңалықтары. Соңғы жаңалықтар. Telegram желісінде бізге жазыл!
