Түркиядағы сайлауда Ердоған жеңіске жетті

11 Тамыз 2014, 09:21
0

Түркия тарихында президент сайлауы алғаш рет бірінші турда аяқталса, ал сол саяси бәсекеде елдің қазіргі премьер-министрі Режеп Тайып Ердоған жеңіске жетті, деп хабарлайды Deutsche Welle Түркияның мемлекеттік телеарнасына сілтеме жасап.

TRT телеарнасы таратқан мәліметке қарағанда, сайлау бюллетендерінің 99 пайызын санау барысында қазіргі премьер ел халқының 52,1 дауысын жинап, қарсыластарын басып озған. Ал оның қарсыластары - Ислам конференциясы ұйымының бұрынғы Бас хатшысы Экмеледдин Ихсаноғлу мен Бейбітшілік және демократия  партиясы тең төрағаларының бірі Селахаттин Демирташ тиісінше 38,8 және 9,1 пайыз дауыс жинаған. Дауыс беруге сайлаушылардың 76 пайызы қатысқан. Бұл дауыс беруге құқылы жалпы тұрғындардың 38,7 миллионын құрайды.

"Бүгін біздің халық сайлауда өз таңдауын жасады", - деді Ердоған  жексенбі күні кешқұрым сайлау қорытындысына белгілі бола салысымен Әділет және даму партиясының Анкарадағы штаб-пәтерінің алдында өткен жиында.

Түркия тарихында алғаш рет президент жалпыхалықтық дауыс беру тәсілімімен сайланып отыр. 1923 жылдан қазірге дейін Түркияның Мемлекет басшысын парламент сайлап келген болатын.

Еске саламыз, сайлау жексенбі, тамыздың 10-ы күні өткен. Сайлау жеңімпазы болуы мүмкін апелляциялар қаралғаннан кейін жарияланатын болады.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай