1. Басты
  2. Біл
  3. Жаңалықтар
  4. Жаһан

Украина президенті Петр Порошенко тергеуге келмей қойды07 мамыр 2019, 14:33

Фото: EADaily Фото: EADaily

Украинаның қазіргі президенті Петр Порошенко Бас прокуратураға келген жоқ, оны тергеуге шақырған болатын. Бұл туралы РИА Новости хабарлады. 

"Жоқ, Порошенко келген жоқ", - деді ведомство арнайы тергеу басқармасының басшысы Сергей Горбатюк. Ол президентті тергеуге тағы да шақыратындарын айтты. 

Украина басшысының неге келмегені әлі хабарланған жоқ. 

Айта кетейік, 6 мамырда Порошенконың Бас прокуратураға тергеуге шақыртылғаны белгілі болған еді. Дереккөздің ақпараты бойынша, президентті 2014 жылы Майданда наразылық кезіндегі адам өліміне қатысты іс бойынша тергейді.