Ұлыбританияның батысында жойқын жарылыс болды, 30-дан аса адам жарақат алды

26 Наурыз 2017, 09:10
0
Ұлыбританияның батысында жойқын жарылыс болды, 30-дан аса адам жарақат алды - © Lew Hopkins
© Lew Hopkins

Ұлыбританияның батысындағы Мерсисайд графтығында жойқын жарылыс болып, кем дегенде 15 адам жарақат алып, бір ғимарат толықтай қирады, - деп хабарлайды The Mirror. Кейінірек жергілікті жедел жәрдем қызметіндегілер зардап шеккендердің саны 32-ге жеткенін хабарлаған.

Басылымның мәліметінше, жарылыс жергілікті уақыт бойынша сағат 21.15-те (Астана уақыты бойынша сағат 03.15-те) болған. Алдын ала мәлімет бойынша, жарылысқа газдың шығып кетуі себеп болуы мүмкін. 

Сондай-ақ, басылымның мәліметінше, жарылыс болған би мектебінің ғимараты толықтай бүлінген. Желіде куәгерлердің жариялаған суреттері де пайда болды.

Ал BBC News басылымы Мерсисайд графтығының өрт сөндіру қызметіне сілтеме жасай отырып, жарылыс туралы мәліметтің тексеріліп жатқанын хабарлайды. Жергілікті полиция өкілдері мәлімдеме жасауға уәде берді.

Айта кетейік, Ұлыбританияда 26 наурызға қараған түні тағы бір төтенше жағдай болған еді. РИА Новости жерілікті полиция қызметіндегілерге сілтеме жасай отырып, Лондон орталығында көліктің жаяу жүргіншілерді соғып өтіп, салдарынан 4 адамның жарақат алғанын хабарлап отыр. Көлік жүргізушісі мен ондағы жолаушылар оқиға орнынан жасырынып кеткен. Қазіргі уақытта оқиғаның мән-жайы анықталып жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай