Үндістанда муссондық жаңбырдың салдарынан болған су тасқыны мен көшкіннен 511 адам қаза тапты, - деп хабарлайды Anadolu Үндістанның Су ресурстары жөніндегі орталық комиссиясына сілтеме жасап.
Комиссия өкілдерінің мәліметінше, қаза тапқан адамдардан бөлек 176 адам зардап шегіп отыр. 1 миллионнан аса бас мал суға кеткен, 55 мың үй бүлінген.
Сондай-ақ, Үндістанның Су ресурстары жөніндегі орталық комиссиясы өкілдері мұндай қатты жауынның соңғы 64 жылда болмағанын айтады.
Еске сала кетейік, осыған дейін Жапонияда да су тасқынынан 204 адамның қаза тапқаны жайлы хабарланған болатын.
