+7 (777) 001 44 99
ПОДЕЛИТЬСЯ
Нью-Делиде жаппай тәртіпсіздік салдарынан қаза тапқандардың саны 35 адамға жетті, - деп хабарлайды India Today.
Нью-Делиде жаппай тәртіпсіздік салдарынан қаза тапқандардың саны 35 адамға жетті, - деп хабарлайды India Today.
Басылымның мәліметінше, зардап шеккендер Гуру Тег Бахадура, Лок Наяк және Джаг Правеш Чандра атындағы ауруханаларда жатыр.
"Жүздеген адам жарақат алып, ондаған адам қаза тапты. Жаппай тәртіпсіздік кезінде қару-жарақ, тас, таяқтар қолданылды. Көбі аман қалу үшін шатырлардан секіріп, ауыр жарақаттар алып жатыр. Қаза тапқандардың туыстары марқұмдардың денелерін алып кетіп жатыр", - деді ауруханалардың бірінің басшысы.
Еске салайық, мұның алдында Үндістанның Нью-Дели қаласында жаппай тәртіпсіздік болып, бес адамның қаза тапқаны хабарланған еді. Жергілікті халық 2019 жылдың желтоқсанында қабылданған азаматтық туралы жаңа заң үшін көтеріліске шыққан. Ол заң бойынша мұсылман емес азаматтарға - Ауғанстан, Пәкістан және Бангладеш елдерінің босқындарына азаматтық беру тәртібі жеңілдетіледі.
Ал Үндістанның жергілікті халқы мұның адам құқығына және Конституцияға қайшы екенін айтады.
