+7 (777) 001 44 99
ПОДЕЛИТЬСЯ
Ішкі істер министрлігі өкілдері танымал боксшы Бейбіт Шүменовтің ісіне қатысты полицейлер жұмыстан шығарылғанын айтты, - деп хабарлайды Massaget.kz тілшісі.
Ішкі істер министрлігі өкілдері танымал боксшы Бейбіт Шүменовтің ісіне қатысты полицейлер жұмыстан шығарылғанын айтты, - деп хабарлайды Massaget.kz тілшісі.
"Жүргізілген тексеру нәтижелері бойынша Есіл ауданы ПБ учаскелік полиция инспекторы атқаратын қызметінен босатылды. "Есіл" ауданы ПБ жергілікті полиция қызметі бөлімінің кезекші бөлімінің жедел кезекшісі және аға учаскелік полиция инспекторы (ППП жұмысын ұйымдастыруға жауапты) қызметтік сәйкестігі толық болмағаны туралы ескертілді.
Есіл ауданы ҚП бастығының орынбасары атқаратын қызметінен босатылды, аудандық басқарма бастығына сөгіс жарияланды", - дейді ІІМ өкілдері Tengri Sport басылымына берген түсініктемесінде.
Еске салайық, бұған дейін Астанадағы ірі сауда және ойын-сауық орталығының фудкортында төбелес болып, қолында кішкентай баласы бар адамға екінші ер адам шабуыл жасағаны хабарланған еді.
Telegram-арналардың бірінің мәліметінше, төбелеске қатысушылардың бірі - қазақстандық кәсіпқой боксшы Бейбіт Шүменов.
Кейінірек полиция осы жағдайға қатысты пікір білдірді. Ал ішкі істер министрінің орынбасары Қайрат Сұнтаев Астанадағы кафеде ер адаммен төбелескен адам боксшы Бейбіт Шүменов екенін растады.
Артынша Бейбіт Шүменов оқиғаға қатысты пікір білдіріп, қалай болғанын айтып берді.
Айта кетейік, Бейбіт Шүменов – танымал қазақстандық кәсіпқой боксшы. Мансабын 2007 жылы бастаған. 19 жекпе-жек өткізіп, 17-де жеңіске жеткен. 2 кездесуінде қарсыласына есе жіберген. 2017 жылы жарақатына байланысты мансабын аяқтаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
