Таразда өрттен 3 адам қаза тапты. Бұл туралы Төтенше жағдайлар министрлігінің ресми өкілі Талғат Уәли айтты, - деп хабарлайды Tengrinews.kz тілшісі.
Алдын ала мәлімет бойынша өрт кезінде егде жастағы әйел мен оның баласы түтінге уланған.
Фото: ТЖМ-нің баспасөз қызметі
"Төтенше жағдайлар департаментінің кезекші бөліміне өрт туралы хабарлама түнгі сағат 3:26-да түскен. Ер адам өрт сөндіру қызметі келгенше туыстарын құтқарамын деп өзі де түтінге уланып көз жұмған. Қайғылы оқиғадан 1936, 1960 және 1982 жылы туған 3 адам қаза тапты", - дейді ресми өкіл.
Өртті сөндіру үшін жеке құрамның 21 маманы мен 5 техникасы жұмылдырылды. Түнгі сағат 4:24-те өрт толығымен сөндірілді.
Қазақстан жаңалықтары. Соңғы жаңалықтар. Telegram желісінде бізге жазыл!