Бүгін Литвада Бразилия мен Аргентина арасында футзалдан әлем чемпионатының бірінші жартылай финалы өтеді, - деп хабарлайды Tengrinews.kz тілшісі Vesti.kz сайтына сілтеме жасап.
Кездесу Литваның Каунас қаласында өтеді, Нұр-Сұлтан уақытымен 23.00-де басталады. Ойынды Qazsport арнасы тікелей эфирден көрсетеді. Тікелей эфирді арнаның ресми сайтынан тамашалауға болады.
Жартылай финалдан бұрын бразилиялықтар Жапонияны 4:2 (1/8 финал), Марокконы 1:0 есебімен (1/4 финал) ұтты, ал аргентиналықтар Парагвайдан 6:1 есебінде (1/8 финал), Ресейден 1:1, пенальтиде 5:4 (ширек финал) есебінде мықты өнер көрсетті. Сонымен қатар, Аргентина - қазір әлем чемпионы.
Еске салайық, Қазақстан құрамасы Иранды жеңіп, футзалдан әлем чемпионатының жартылай финалына шықты. Финалға шығу үшін Португалиямен ойнайды, матч 30 қыркүйекте өтеді.
Үшінші орын мен финал үшін матч 3 қазанға жоспарланған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
