Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Азия ойындарының алтынына 10 мың доллар беріледі

12 Қыркүйек 2014, 15:16
0
Азия ойындарына баратын қазақстандық спортшылар. ©Нұрғиса Елеубеков
Азия ойындарына баратын қазақстандық спортшылар. ©Нұрғиса Елеубеков

ҚР Мәдениет және спорт министрлігінің Спорт және дене шынықтыру істері комитетінің төрағасы Елсияр Қанағатов ХVІІ жазғы Азия ойындарының жүлде қорын ресми түрде жариялады, - деп хабарлайды "Алаш айнасы".

Бүгін, 12 қыркүйек күні түсте Алматыдағы Балуан Шолақ атындағы спорт сарайында өткен, ХVІІ жазғы Азия ойындарында ел намысын қорғайтын спортшыларымызды шығарып салу рәсімінде ҚР Мәдениет және спорт министрлігінің Спорт және дене шынықтыру істері комитетінің төрағасы Елсияр Қанағатов жүлдегерлерге табыс етілетін сыйақы қорын жариялады.

ХVІІ жазғы Азия ойындарында жеңімпаз және жүлдегер атанған спортшыларға мына сомада мемлекеттік сыйақы беріледі: І орын – 10 мың АҚШ доллары; ІІ орын – 5 мың доллар; ІІІ орын – 3 мың доллар. Олардың жеке бапкерлеріне берілетін мемлекеттік сыйақы сомалары: І орын – 5 мың доллар; ІІ орын – 3 мың доллар; ІІІ орын – 2 мың доллар.

Елсияр Баймұхамедұлы бұл тек мемлекеттік сыйақы екендігін қадап айтты. Бұған қоса конфедерацияның, әр федерацияның, аймақ басшыларының да өз алдарына бөлек сыйақы беретіндіктерін ескерте кеткіміз келеді.
Естеріңізге сала кетейік, ХVІІ жазғы Азия ойындары 19 қыркүйектен 4 қазанға дейін Оңтүстік Кореяның Инчхон қаласында өтеді. Оған біздің елден 420 спортшы (ерлер – 207, әйелдер – 213) қатысып, 39 спорт түрінен сынға түседі. Жалпы, ХVІІ жазғы Азия ойындарына сары құрлықтың 45 мемлекетінен 13 мың спортшы мен жаттықтырушы қатысады. Жеті мың БАҚ өкілі Азиада додасын шартарапқа тарататын болады.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай