Бүгін, 7 ақпанда қазақстандық спортшылар Бейжіңде өтіп жатқан Олимпиада ойындарында бақ сынайды, - деп хабарлайды Tengrinews.kz тілшісі Vesti.kz сайтына сілтеме жасап.
Қазақстан конькимен жүгіру және биатлонға қатысады.
Нұр-Сұлтан уақытымен сағат 14:30-да конькимен жүгіруден Екатерина Айдова мен Надежда Морозова жарысқа шығады. Бұл 1500 метрге жүгіруден финал.
Биатлон сағат 15:00-ге жоспарланған. Галина Вишневская-Шепоренко 15 шақырымға жекелей жарыс бойынша финалда өнер көрсетеді.
Қазақстандықтардың Олимпиадада өнер көрсету нәтижелерімен мына сілтеме арқылы танысуға болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
