Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Боз кілем көрігін қыздырған Қалиев

13 Мамыр 2014, 15:06
0
Расул Қалиев. Фото: confederation.kz
Расул Қалиев. Фото: confederation.kz

Кейінгі жылдары балуандарымыздың бағы жанбай жүрген еркін күрестен де бір топ жас таланттарымыз төбе көрсете бастады. Солардың бірі – Расул Қалиев, - деп жазады Tengrinews.kz "Алаш айнасы" газетіне сілтеме жасап.

Еркін күрестен Азиядағы ерен жетістіктерін есепке алмағанның өзінде Дәурен Жұмағазиев пен Дәулет Ниязбеков әлем чемпионатының қола жүлдегері атанды. Ақжүрек Таңатаров Лондон Олимпиадасында қола жүлде олжалады. Дәулет Шабанбай ең ауыр салмақта атой салып жүр. Осылардың ішінде еліміздің намысын абыроймен қорғап жүрген Расул Қалиев те бар. Расулдың ерекшелігі, ол – осы жігіттердің бәрінен жас.

Расул жас болса да, өзін халықаралық аренада әлеуеті зор балуан ретінде көрсете білді. 2011 жылы жастар арасындағы әлем чемпионатында күміс медаль олжалады. 2013 жылғы ересектер арасындағы әлем чемпионатында 5-орынға ие болды. Бірнеше халықаралық турнирлерде екінші орынға ие болып, топ жарды да. 2013 жылғы Азия чемпионатында қола жүлдегер атанып, биыл Астана төрінде алтынмен апталды.

Қазір FILA-ның (Халықаралық күрес федерациясының) жақында қорытындыланған бүкіләлемдік рейтингіндегі көш бастап тұр. Нақтырақ айтқанда, 57 келі салмақ дәрежесіндегі дүниежүзілік тізімде – бірінші орында.

Расул 1991 жылы 16 маусымда туған. Шыр етіп, дүниенің есігін ашқан жері, кіндік қаны тамып, май табанымен алғаш топырағын басқан жері – Шығыс Қазақстан облысы, Жарма ауданы, Қалбатау ауылы.

Жарма топырағынан Расулға дейін де небір саңлақтар, жампоз балуандар түлеп ұшқан. Қабден Байдосов еркін күреске жол ашқан киелі топырақта қазақтың даңқты балуаны Дәулет Тұрлыханов та туып өскен. Еркін күрестен Қазақстан ұлттық құрамасының бас бапкері болған, Лондон Олимпиадасына негізінен қазақ балуандарын апарған Алтай Танабаев та осы өңірден шыққан.

Бүгін Расул сол ағаларының жолын жалғастырып, боз кілем көрігін қыздырып жүр. Кім біледі, бәлкім, осы ағалары қол жеткізе алмаған шыңдарға шығар...

Расул күреспен 12 жасынан бастап айналыса бастаған. Әуелі Дәулет Тұрлыханов ағасының жолын қуып, грек-рим күресіне барады. Бірақ еркін күреске аңсары ауады да тұрады. Еркін күресте аяқтан ұстап белдесуге болады. Әдіс-тәсілдері де – әр қилы, сан аулан. Жас Расул осыған қатты қызығады. Ақыры еркін күрестен бір-ақ шығады. Негізі, балуандық өнер қанында бар. Арғы аталары қазақтың ежелгі салт-дәстүрімен күресіп, балуан болған екен...

Расулдың боз кілемде қалай күрескенді ұнататындығын, кімді пір тұтатындығын, басты бәсекелестері кімдер екендігі жөнінде мына жерден толығырақ оқи аласыздар.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай