+7 (777) 001 44 99
Қазақша
Русский
English
Алматыда өткен 28-ші қысқы Универсиада ойындары тарихта студенттер жарысына келген көрермендер санымен есте қалды, - деп хабарлайды Tengrinews.kz тілшісі. Бұл туралы Универсиада-2017 Билетпен қамтамасыз ету департаментінің жетекшісі Вадим Дергачев айтып берді.
"Біз сенімді түрде Универсиадаға 230 мың адам келгені туралы айта аламыз. Бұл 117 жарыс 8 нысанда өткізілді. Халықаралық FISU ұйымы қысқы Универсиада ойындарында көрермендері ең көп болған студенттік жарыс екенін растап берді", - деді Дергачев.
Билетпен қамтамасыз ету департаментінің жетекшісінің айтуынша, адамдар ең көп келетін спорт түрі - хоккей. Осы матчтарға 90 мыңнан аса адам келген. 50 мыңға жуық адам мәнерлеп сырғанау жарыстарын тамашалаған. Дергачевтың айтуынша, керлинг, шорт-трек сияқты жарыстардың өзінде отыратын орындар толы болған.
"Шамамен келушілер саны 80 пайызды құрады. Көптеген жарыстарда адамдар толып отырды", - деді Универсиада дирекциясының өкілі.
