Қазақстандық файтер Дамир Исмағұлов (23-1) ақпанның ортасында бесінші жекпе-жегін өткізеді, - деп хабарлайды Tengrinews.kz тілшісі Vesti.kz сайтына сілтеме жасап.
Дамирдің келесі қарсыласы Ауғанстан файтері Насрат Хакпараст болмақ. Олардың жекпе-жегі 19 ақпанда Лас-Вегаста өтеді.
Бастапқыда Хакпараст канадалық Джон МакДессимен жұдырықтасуы керек еді, бірақ өткен аптада 36 жастағы боксшыға ота жасалып, ол алдағы жекпе-жектен бас тартуға мәжбүр болған.
МакДессидің орнына бұл жекпе-жекке UFC-де төрт кездесу өткізіп, төртеуінде де жеңіске жеткен Исмағұлов қатысады. Қазанның аяғында Дамир лигадағы бесінші жекпе-жегін өткізуі керек еді, бірақ соңғы сәтте боксшы денсаулығына байланысты жекпе-жекке қатыса алмады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!