Илья Ильин жұбайымен ажырасқаны туралы айтып берді

Ауыр атлет Илья Ильин Mens Health Kazakhsan басылымына берген сұқбатында жұбайымен ажырасып кеткені туралы айтып берді.

"Біздің ажырасып кеткенімізге бір жылдан аз болды. Бірақ ажырасу туралы құжаттыр жуырда ғана келді. 12 жыл бірге болдық. Бір-бірімізді сүйдік. Қызымыз өсіп келеді. Бірақ барлық қиындықтар жиналып қалған кезде біз шыдай алмадық", - дейді ауыр атлет.

"Мен сияқты ауыр депрессияға түсіп кеткен адамға шыдау қиын шығар. Бізде бұған дейін барлық отбасындағыдай кикілжің болды. Ол кезде барлығынан аман-есен өтіп жүрдік. Дегенмен соңғы кезде шыдау мүмкін болмай кетті. Маған да Наталияға да екі есе қиын болып кетті. Мен мұны жақсы түсінемін. Үлкен ұрыс болды. Содан соң ол үйіне кетіп қалды. Мен мұны көтере алмай, ажырасуды талап етті. Бұл кезде көп эмоцияның болғанын білемін. Алайда қазір мұның барлығын істеу керек болғанын түсінемін. Әлі де өкпем бар. Біз қазір араласпаймыз. Әлеуметтік желілерде де бір-бірімізді бақылып отырмаймыз", - дейді Ильин.

Сонымен қатар ол осы жағдайдан достарымен өтетін отырыстар мен жаттығулар арқылы шығып жүргенін айтты. "Жазда қиын болды. Жазда мен Швейцарияға заңгермен кездесуге барғанды мұның барлығы да басымда тұрды. Дегенмен қазір де депрессияда жүрмін. Бірақ ол кезде жағдай тіпті қиын болды. Тіпті психиатрияға баруға жақын қалдым. Дұрыс сөйлей алмайтын жағдайға жетті. Ал қазір барлығы қалыпқа келіп жатыр", - дейді Ильин.

"Жүлде мен спорт обасының қасында болмайтын дүниелер. Карьераңда бәрін қалпына келтіріп алуға болады. Сүйген адамның орнын толықтыру мүмкін емес. Бұл өте жағымсыз жағдай. Әлі де ішім күйіп ауырады. Толық қалпыма келмедім", - дейді танымал спортшы.

Илья Ильиннің толық сұқбатын мына сілтемеге өтіп оқуларыңызға болады. Онда ол спортқа қайта оралып, бәсекелерде бағын сынауға дайын екенін айтады.

Айта кетейік, Илья Ильин Наталья Кулаковаға үйленген болатын. Бұл жұптың тойы 2012 жылы өтті. Наталья - гандболдан Қазақстанның бірнеше дүркін чемпионы. Азия біріншілі мен Азия ойындарының қола жүлдегері. Екі рет әлем біріншілігіне қатысқан.

Еске салайық, Ильин қанынан рұқсат етілмеген дәрумен табылғаны үшін екі Олимпиада ойындарының медальінен айырылған болатын. Халықаралық ауыр атлетика федерациясының таратқан мәліметі бойынша, Майя Манеза мен Зульфия Чиншанло екі жылға спорттан шеттетілсе, Светлана подобедов жеті шылға шеттетілген еді. Бірақ Ильиннің спорттан қанша уақытқа шеттетілгені белгісіз болып тұр.