Жартылай орта салмақтағы қазақстандық боксшылар Жанқош Тұраров (24-0, 17 КО) пен Дәурен Елеусінов (Қазақстан, 9-1-1, 8 КО) кәсіпқой рингте жеңіске жетті, - деп хабарлайды Tengrinews.kz тілшісі Vesti.kz сайтына сілтеме жасап.
Оның Нұр-Сұлтандағы кешкі бокстағы қарсыласы Мысыр чемпионы Абдумонем Саид (22-1-1, 11 КО) болды. Жекпе-жек он раундқа есептелген, бірақ бастапқы қоңыраудан 45 секунд өткен соң аяқталды, Тұраров нокаутпен жеңіске жетті.
Қазақстандық үшін бұл жеңіс оның мансабындағы 25-жеңісі болды, оның 18-і мерзімінен бұрын. Саид өзінің мансабындағы екінші жеңілісіне ұшырады.
Жартылай орта салмақтағы қазақстандық боксшы Дәурен Елеусінов (Қазақстан, 9-1-1, 8 КО) кәсіпқой рингтегі 12-жекпе-жегін өткізді.
Нұр-Сұлтандағы бокс кеші аясында оның қарсыласы әзірбайжандық Али Мамедов (13-4, 3 КО) болды. Жекпе-жек үшінші раундта мерзімінен бұрын аяқталды.
Елеусінов үшін бұл жеңіс - оныншы жеңіс. Мансабындағы бір жеңіліс пен бір тең түскен жекпе-жегі бар. Мамедов бесінші рет жеңіліске ұшырады.
Еске салайық, кештің басты айқасы Олимпиада чемпионы Данияр Елеусінов (10-0, 6 КО) пен аргентиналық Хуан Эрнан Леао (15-1, 4 КО) арасында өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!